1december 2011 ယွၼ်ႉၸုမ်း ပီႇတုၸိတ်ႉ ပဢူဝ်း (ဢွင်ႇၶမ်းထီႇ) ၵႂႃႇၵဵပ်းၶွၼ်ႇ ယႃႈသေ ၸုမ်းပီႇတုၸိတ်ႉ ဝၢၼ်ႈမၢၵ်ႇၵႅင်း ၵႂႃႇႁၢမ်ႈလႄႈ လႆႈပဵၼ်ပၢင် တိုၵ်းၵၼ် မီးလွင်ႈ တၢႆမၢတ်ႇ ၵမ်ႈၽွင်ႈၼႆ လႅင်ႇၶၢဝ်ႇၸႄႈတွၼ်ႈ လွႆလႅမ် ပွင်ႇၶၢဝ်ႇမႃး။ၸုမ်းပီႇတုၸိတ်ႉ ပဢူဝ်း ပူဝ်ႇလေးမွင်ႇသိင်း ဢွၼ်ႁူဝ်ႁႅင်း 150 ၵေႃႉပၢႆ လူင်းၵဵပ်းၶွၼ်ႇ ယႃႈလႄႈ ပေႉၵိၼ်ဢဝ် ၶွင်လၢႆၶူဝ်းၶွင် ၵူၼ်းမိူင်း ပွတ်းသၼ်လွႆ ၸႄႈတွၼ်ႈလွႆ လႅမ်ထိုင် သၼ်လွႆ မိူင်းၸိတ်ႇ ထိုင်မႃးဝၼ်းထိ 26-28.11.2011 ၸုမ်းပီႇတုၸိတ်ႉပဢူဝ်း ၶဝ်ၶဝ်ႈမႃး ထင်သဝ်း ၼႂ်းဝၢၼ်ႈလူင်၊ ဝၢၼ်ႈၵုင်းမၵ်ႇၸီႇလီႇ လႄႈ ဝၢၼ်ႈသၢႆးငိုၼ်း ဢၼ်ပဵၼ်ၼႂ်း ၼႃႈတီႈ ၸုမ်းပီႇတုၸိတ်ႉ ဝၢၼ်ႈမၢၵ်ႇၵႅင်းၶဝ် ၵုမ်းထိင်းသေ ၵဵပ်းၵိၼ်ၶွၼ်ႇၵူၼ်းမိူင်းလႄႈ ဢထမ်ႇမ ပေႉၵိၼ်ဢဝ်လၢႆ ၶူဝ်းၶွင်ၵူၼ်းမိူင်း သင်ဝႃႈဢမ်ႇပၼ် ၸွမ်းၼင်ႇၶဝ်ယွၼ်း ၼၼ်ႉတေဢဝ်ၾႆး [...]![]()
